ବିଜେଡିର ଜନସମ୍ପର୍କ ପଦଯାତ୍ରା : ଏକାମ୍ରରେ ଶୁଭାରମ୍ଭ କରିବେ ସୁପ୍ରିମୋ ନବୀନ

ଏଥିସହିତ ଜନସାଧାରଣଙ୍କୁ ଦେଇଥିବା ପ୍ରତିଶ୍ରୁତି ପାଳନରେ ବର୍ତ୍ତମାନ ସରକାରଙ୍କ ବିମୁଖତା, ଦରଦାମ ନିୟନ୍ତ୍ରଣରେ ବିଫଳତା, ଆଇନ୍‌ ଶୃଙ୍ଖଳାର ଅଧୋଗତି ଏବଂ ମହିଳା ନିର୍ଯାତନା ଆଦି ପ୍ରସଙ୍ଗ ସମେତ ସ୍ଥାନୀୟ ଲୋକଙ୍କ ନିକଟରେ ଅବତାରଣା କରାଯିବ। ରାଜ୍ୟର ବିଜେପି ସରକାର ସବୁ କ୍ଷେତ୍ରରେ ବିଫଳ ହୋଇଥିବା ବେଳେ ଜନ ସମ୍ପର୍କ ପଦଯାତ୍ରା ଏକ ଜନ ଜାଗରଣ ଯାତ୍ରା ସଦୃଶ ହେବ। ସରକାରଙ୍କ ଅପାରଗତା ବିରୋଧରେ ଦଳ ଜନମତ ସୃଷ୍ଟି କରିବ। କ୍ଷମତାକୁ ଆସିବାର ତିନି ମାସରୁ ଅଧିକ ସମୟ ବିତିଥିଲେ ସୁଦ୍ଧା ଅଦ୍ୟାବଧି ନିର୍ବାଚନୀ ପ୍ରତିଶ୍ରୁତି ପାଳନ ନିମନ୍ତେ ଆନ୍ତରିକତା ଦେଖାଇ ନାହିଁ। ନିର୍ବାଚନ ପୂର୍ବର ସମସ୍ତ ପ୍ରତିଶ୍ରୁତି ପ୍ରତାରଣାରେ ପରିଣତ ହୋଇଛି । ବହୁ ଉନ୍ନୟନ ମୂଳକ କାର୍ଯ୍ୟକ୍ରମକୁ ନୂଆ ସରକାର ବନ୍ଦ କରିଛନ୍ତି। ଗରିବ ହିତାଧିକାରୀ ନିଜ ଅଧିକାରରୁ ବଞ୍ଚିତ ହେଉଛନ୍ତି। ସୁଭଦ୍ରା ଯୋଜନାର ପ୍ରତାରଣ ସବୁ ସୀମା ଟପି ଯାଇଛି। ଏହାକୁ ନେଇ ଲୋକଙ୍କ ମଧ୍ୟରେ ରୋଷ ରହିଛି। ଏହାକୁ ବିଜେଡି ତୃଣମୂଳସ୍ତରରେ ପହଞ୍ଚାଇବ ବୋଲି ସୂଚନା ମିଳିଛି ।