ବାର୍ଡ ଫ୍ଲୁ: ଗୋଟିଏ ଫାର୍ମରେ ମରିଗଲେ ୫୦୦୦
ରାଜଧାନୀ ଉପକଣ୍ଠ ବାଲିଅନ୍ତା ବ୍ଲକ ଅଞ୍ଚଳକୁ ବାର୍ଡଫ୍ଲୁ ବ୍ୟାପିଛି। ଆଜି ଗୋଟିଏ ଫାର୍ମରେ ଏକାଥରକେ ୫୦୦୦ କୁକୁଡ଼ା ମରିଯାଇଛନ୍ତି। ସେହିଭଳି ଅନ୍ୟ ଏକ ସ୍ଥାନରେ କେନାଲ ବନ୍ଧରେ ବସ୍ତାବସ୍ତା ମଲା କୁକୁଡ଼ା ପଡ଼ିଥିବା ଦେଖିବାକୁ ମିଳିଛି। ଆଜି ଏହି ଖବର ପ୍ରଚାରିତ ହେବା ପରେ ବାଲିଅନ୍ତା ଓ ବାଲିପାଟଣା ବ୍ଲକ୍ ଅଞ୍ଚଳରେ କୁକୁଡ଼ା ଚାଷୀମାନେ ଆତଙ୍କିତ ହୋଇପଡ଼ିଛନ୍ତି। ଏହି ଦୁଇ ବ୍ଲକ୍ ଅଞ୍ଚଳର ଶହଶହ କୁକୁଡ଼ା ଚାଷୀ ବିପୁଳ କ୍ଷତି ସହିବା ଚିନ୍ତାରେ ମୁଣ୍ଡରେ ହାତ ଦେଇଛନ୍ତି। ସେହିଭଳି ଆଜି ଜୟଦେବ ନିର୍ବାଚନମଣ୍ଡଳୀର ବହୁ ଅଞ୍ଚଳରେ ଚିକେନ୍ ସେଣ୍ଟର ସବୁ ବନ୍ଦ ହୋଇଯାଇଛି।
